qalib ko apne chhoD ke maqlub ho gae
kya aur koi qalb hai is inqalab mein

Pandit Jawahar Nath Saqi

---

---

salik hai garche sair-e-maqamat-e-dil-fareb
jo ruk gae yahan wo maqam-e-KHatar mein hain

Pandit Jawahar Nath Saqi

---

---

sikka apna nahin jamta hai tumhaare dil par
naqsh aghyar ke kis taur se jam jate hain

Pandit Jawahar Nath Saqi

---

---

ushshaq jo tasawwur-e-barzaKH ke ho gae
aati hai dam-ba-dam ye unhin ko sada-e-qal

Pandit Jawahar Nath Saqi

---

---

wo mah jalwa dikha kar hamein hua ru-posh
ye aarzu hai ki nikle kahin dobara chand

Pandit Jawahar Nath Saqi

---

---

wusat-e-mashrab-e-rindan ka nahin hai mahram
zahid-e-sada hamein be-sar-o-saman samjha

Pandit Jawahar Nath Saqi

---

---

ye risala ishq ka hai adaq tere ghaur karne ka hai sabaq
kabhi dekh is ko waraq waraq mera sina gham ki kitab hai

Pandit Jawahar Nath Saqi

---

---