kiya hai chashm-e-murawwat ne aaj mail-e-mehr
main un ki bazm se kal aabdida aaya tha

Pandit Jawahar Nath Saqi

---

---

mahw-e-liqa jo hain malakuti-KHisal hain
bedar ho ke bhi nazar aate hain KHwab mein

Pandit Jawahar Nath Saqi

---

---

meri qismat ki kaji ka aks hai
ye jo barham gesu-e-pur-KHam raha

Pandit Jawahar Nath Saqi

---

---

nafs-e-matlab hi mera faut hua jata hai
jaan-e-jaanan ye munasib nahin ghabra dena

Pandit Jawahar Nath Saqi

---

---

nahin khulta sabab tabassum ka
aaj kya koi bosa denge aap

Pandit Jawahar Nath Saqi

---

---

nairang-e-ishq aaj to ho jae kuchh madad
pur-fan ko hum karen mutahayyar kisi tarah

Pandit Jawahar Nath Saqi

---

---

nigah-e-naz se is chust qaba ne dekha
shauq betab gul-e-chaak-e-gareban samjha

Pandit Jawahar Nath Saqi

---

---