jab mile do dil muKHil phir kaun hai
baiTh jao KHud haya uTh jaegi

Pandit Daya Shankar Naseem lakhnavi

---

---

jab na jite-ji mere kaam aaegi
kya ye duniya aaqibat baKHshwaegi

Pandit Daya Shankar Naseem lakhnavi

---

---

jo din ko niklo to KHurshid gird-e-sar ghume
chalo jo shab ko to qadmon pe mahtab gire

Pandit Daya Shankar Naseem lakhnavi

---

---

junun ki chaak-zani ne asar kiya wan bhi
jo KHat mein haal likha tha wo KHat ka haal hua

Pandit Daya Shankar Naseem lakhnavi

---

---

kucha-e-jaanan ki milti thi na rah
band kin aankhen to rasta khul gaya

Pandit Daya Shankar Naseem lakhnavi

---

---

kya lutf jo ghair parda khole
jadu wo jo sar pe chaDh ke bole

Pandit Daya Shankar Naseem lakhnavi

---

---

lae us but ko iltija kar ke
kufr TuTa KHuda KHuda kar ke

Pandit Daya Shankar Naseem lakhnavi

---

---