garmi si ye garmi hai
mang rahe hain log panah

Obaid Siddiqi

---

---

main bas ye kah raha hun rasm-e-wafa jahan mein
bilkul nahin miTi hai kamyab ho gai hai

Obaid Siddiqi

---

---

main pahle be-bak hua tha josh-e-mohabbat mein
meri tarah phir us ne bhi sharmana chhoDa tha

Obaid Siddiqi

---

---

udasi aaj bhi waisi hai jaise pahle thi
makin badalte rahe hain makan nahin badla

Obaid Siddiqi

---

---

aankh se dur sahi dil se kahan jaega
jaane wale tu hamein yaad bahut aaega

Obaidullah Aleem

---

---

aao tum hi karo masihai
ab bahalti nahin hai tanhai

Obaidullah Aleem

---

---

ab to mil jao hamein tum ki tumhaari KHatir
itni dur aa gae duniya se kinara karte

Obaidullah Aleem

---

---