tere wajud ko chhu le to phir mukammal ho
bhaTak rahi hai KHushi kab se dar-ba-dar mujh mein

Neena Sahar

---

---

zaKHm bhi ab hasin lagte hain
tere hathon fareb khane pa

Neena Sahar

---

---

ajab ye daur aaya hai ki jis mein
ghalat kuchh bhi nahin sab kuchh sahi hai

Neeraj Goswami

---

---

Dal din bhuke ko jis mein roTiyan
wo samajh puja ki thaali ho gai

Neeraj Goswami

---

---

gar na samjha to 'niraj' lagegi kaThin
zindagi ko jo samjha to aasan hai

Neeraj Goswami

---

---

ghuTan taDpan udasi ashk ruswai akela-pan
baghair in ke adhuri ishq ki har ek kahani hai

Neeraj Goswami

---

---

hai jin ke bazuon mein dam wo dariya par kar lenge
bahut mumkin hai Duben wo jo baiThe hain safine mein

Neeraj Goswami

---

---