kisi ko yaad karne ke nahin maKHsus kuchh lamhe
koi jab yaad aa jae to phir wo yaad aata hai

Neel Ahmed

---

---

kitne aalam guzar gae mujh par
tum ko socha tha ek lamhe ko

Neel Ahmed

---

---

main jal gai hun dhup ki kirnon se ja-ba-ja
aur wo samajh rahe hain ki rangat nikhar gai

Neel Ahmed

---

---

mere sine se lag kar der tak roti hai tanhai
kisi ne kah diya us se mohabbat ho gai mujh ko

Neel Ahmed

---

---

phulon ki zad mein aa ke kahin jaan se na jae
main ne isi KHayal se titli uDai hai

Neel Ahmed

---

---

qaid kar lo mujhe KHayalon mein
is jahan se rihai mil jae

Neel Ahmed

---

---

sare jazbe teri chahat ke dikhai dete
kash aankhon mein kahin dil bhi dhaDakta hota

Neel Ahmed

---

---