ang lai hai hasrat-e-tamir
gir rahi hain imaraten kya kya

Nazeer Qaisar

---

---

ubhar rahe hain kai hath shab ke parde se
koi sitara liye koi mahtab liye

Nazeer Qaisar

---

---

us ne KHat mein bheje hain
bhigi raat aur bhiga din

Nazeer Qaisar

---

---

yun tujhe dekh ke chaunk uThti hain soi yaaden
jaise sannaTe mein aawaz laga de koi

Nazeer Qaisar

---

---

aae to dil tha bagh bagh aur gae to dagh dagh
kitni KHushi wo lae the kitna malal de gae

Nazeer Siddiqui

---

---

abhi se wo daman chhuDane lage ho
jo ab tak mere hath aaya nahin hai

Nazeer Siddiqui

---

---

aur hi wo log hain jin ko hai yazdan ki talash
mujh ko insanon ki duniya mein hai insan ki talash

Nazeer Siddiqui

---

---