e-zari faqa-kashi muflisi be-samani
hum faqiron ke bhi han kuchh nahin aur sab kuchh hai

Nazeer Akbarabadi

---

---

hula din hum ne kitaben ki us pari-ru ke
kitabi chehre ke aage kitab hai kya chiz

Nazeer Akbarabadi

---

---

chalte chalte na KHalish kar falak-e-dun se 'nazir'
faeda kya hai kamine se jhagaD kar chalna

Nazeer Akbarabadi

---

---

chamak hai dard hai kaundan paDi hai huk uThti hai
mere pahlu mein kyun yaro ye dil hai ya ki phoDa hai

Nazeer Akbarabadi

---

---

dekh le is chaman-e-dahr ko dil bhar ke 'nazir'
phir tera kahe ko is bagh mein aana hoga

Nazeer Akbarabadi

---

---

dekh use rang-e-bahaar o sarw o gul aur juebar
ek uDa ek gir gaya ek jal gaya ek bah gaya

Nazeer Akbarabadi

---

---

dekhe na mujhe kyunkar az-chashm-e-hiqarat-u
wo sarw-e-jawan yaro man-faKHta-e-piram

Nazeer Akbarabadi

---

---