har ek makan mein guzargah-e-KHwab hai lekin
agar nahin to nahin ishq ke janab mein KHwa

Nazeer Akbarabadi

---

---

hastiyan nistiyan yan bhi hain aisi jaise
wo kamar aur wo dahan kuchh nahin aur sab kuchh hai

Nazeer Akbarabadi

---

---

husn ke naz uThane ke siwa
hum se aur husn-e-amal kya hoga

Nazeer Akbarabadi

---

---

ek dam ki zindagi ke liye mat uTha mujhe
ai be-KHabar main naqsh-e-zamin ki nishast hun

Nazeer Akbarabadi

---

---

ishq ka dur kare dil se jo dhaDka tawiz
is dhaDake ka koi hum ne na dekha tawiz

Nazeer Akbarabadi

---

---

ja paDe chup ho ke jab shahr-e-KHamoshan mein 'nazir'
ye ghazal ye reKHta ye sher-KHwani phir kahan

Nazeer Akbarabadi

---

---

jis kaam ko jahan mein tu aaya tha ai 'nazir'
KHana-KHarab tujh se wahi kaam rah gaya

Nazeer Akbarabadi

---

---