ab bach ke kahan jae har ek samt hai diwar
biwi mere pichhe hai to bachcha mere aage

Nazar Barni

---

---

is chashm-e-siyah-mast pe gesu hain pareshan
mai-KHane pe ghanghor ghaTa khel rahi hai

Nazar Hyderabadi

---

---

isi KHayal mein har sham-e-intizar kaTi
wo aa rahe hain wo aae wo aae jate hain

Nazar Hyderabadi

---

---

miTTi ki aawaz suni jab miTTi ne
sanson ki sab khincha-tani KHatm hui

Nazar Javed

---

---

war har ek mere zaKHm ka hamil aaya
apni talwar ke main KHud hi muqabil aaya

Nazar Javed

---

---

ye to ai 'jawed' guzre mausamon ki rakh hai
aaKHirash kya DhunDhta hai tu KHas-o-KHashak main

Nazar Javed

---

---

zinda rahne ke taqazon ne mujhe mar diya
sar pe 'jawed' ajab ahd-e-masail aaya

Nazar Javed

---

---