gae the milne ko shayad jhiDak diya us ne
miyan 'nazir' to kuchh sharmsar aate hain

Nazeer Akbarabadi

---

---

gharaz na sar ki KHabar thi na pa ka hosh 'nazir'
sirhana paenti aur paenti sirhana tha

Nazeer Akbarabadi

---

---

ghash kha ke gira pahle hi shoale ki jhalak se
musa ko bhala kahiye to kya tur ki sujhi

Nazeer Akbarabadi

---

---

go safedi mu ki yun raushan hai jun aab-e-hayat
lekin apni to isi zulmat se thi zindagi

Nazeer Akbarabadi

---

---

hai dasahre mein bhi yun gar farhat-o-zinat 'nazir'
par diwali bhi ajab pakiza-tar tyauhaar hai

Nazeer Akbarabadi

---

---

hum haal to kah sakte hain apna pa kahen kya
jab wo idhar aate hain to tanha nahin aate

Nazeer Akbarabadi

---

---

hum wo daraKHt hain ki jise dam-ba-dam ajal
arrah idhar dikhati hai udhar tabar qaza

Nazeer Akbarabadi

---

---