ab kahen kis se ki un se baat karna hai gunah
jab kalam aaya zaban par la-kalam aa hi gaya

Natiq Gulavthi

---

---

ahl-e-junun pe zulm hai pabandi-e-rusum
jada hamare waste kanTa hai rah ka

Natiq Gulavthi

---

---

ai baada-kash gai hai mai-e-aish kis ke sath
har ek ne le ke jam ko aage baDha diya

Natiq Gulavthi

---

---

ai dil-e-shikwa-sanj kya guzri
kis liye honT rah gae sil ke

Natiq Gulavthi

---

---

ai junun bais-e-bad-haali-e-sahra kya hai
ye mera ghar to nahin tha ki jo viran hota

Natiq Gulavthi

---

---

ai nigah-e-mast us ka nam hai kaif-e-surur
aaj tu ne dekh kar meri taraf dekha mujhe

Natiq Gulavthi

---

---

ai shab-e-hijran ziyaada panw phailati hai kyun
bhar gaya jitna hamari umr ka paimana tha

Natiq Gulavthi

---

---