dusra aisa kahan ai dasht KHalwat ka maqam
apni virani ko le kar mere virane mein aa

Natiq Gulavthi

---

---

dusron ko kya kahiye dusri hai duniya hi
ek ek apne ko hum ne dusra paya

Natiq Gulavthi

---

---

gham-o-andoh ka lashkar bhi chala aata hai
ek ghoD-dauD si hai umr-e-gurezan ke qari

Natiq Gulavthi

---

---

ghar banane ki baDi fikr hai duniya mein hamein
sahab-e-KHana bane jate hain mehman ho ka

Natiq Gulavthi

---

---

gul shor kahan ka hai sun to sahi o zalim
kya hai tere kuche mein kaisa hai ye wawaila

Natiq Gulavthi

---

---

guzarti hai maze se waizon ki zindagi ab to
sahaara ho gaya hai din duniya-dar logon ka

Natiq Gulavthi

---

---

hangama-e-hayat se lena to kuchh nahin
han dekhte chalo ki tamasha hai rah ka

Natiq Gulavthi

---

---