aai hogi to maut aaegi
tum to jao mera KHuda hafiz

Natiq Gulavthi

---

---

aaKHir ko rahbar ne Thikane laga diya
KHud apni rah li mujhe rasta bata diya

Natiq Gulavthi

---

---

aalam-e-kaun-o-makan nam hai virane ka
pas wahshat nahin ghar dur hai diwane ka

Natiq Gulavthi

---

---

aati hai yaad subh-e-masarrat ki bar bar
KHurshid aate aate use kal uTha to la

Natiq Gulavthi

---

---

ab gardish-e-dauran ko le aate hain qabu mein
hum daur chalate hain saqi se kaho mai la

Natiq Gulavthi

---

---

ab jahan mein baqi hai aah se nishan apna
uD gae dhuen apne rah gaya dhuan apna

Natiq Gulavthi

---

---

ab kahan guftugu mohabbat ki
aisi baaten hue zamana hua

Natiq Gulavthi

---

---