han ye KHata hui thi ki hum uTh ke chal diye
tum ne bhi to palaT ke pukara nahin hamein

Nasir Zaidi

---

---

koi sannaTa sa sannaTa hai
kash tufan uTha de koi

Nasir Zaidi

---

---

main be-hunar tha magar sohbat-e-hunar mein raha
shuur baKHsha hama-rang mahfilon ne mujhe

Nasir Zaidi

---

---

wo bhi kya din the ki jab ishq kiya karte the
hum jise chahte the chum liya karte the

Nasir Zaidi

---

---

wo yun mila hai ki jaise kabhi mila hi na tha
hamari zat pe jis ki inayaten thin bahut

Nasir Zaidi

---

---

aa ke bazm-e-hasti mein kya bataen kya paya
hum ko tha hi kya lena but mile KHuda paya

Natiq Gulavthi

---

---

aa umr-e-rafta hashr ke dam-KHam bhi dekh len
tufan-e-zindagi ki wo halchal uTha to la

Natiq Gulavthi

---

---