charagh le ke phira DhunDhta hua ghar ghar
shab-e-firaq jo mujh ko rahi sahar ki talash

Natiq Gulavthi

---

---

chhoD bhi dete mohtasib hum to ye shaghl-e-mai-kashi
zid ka sawal hai to phir ja isi baat par nahin

Natiq Gulavthi

---

---

dekh ye bar kabhi sar se utarta hi nahin
zindagi bhar ki musibat hai na ehsan uTha

Natiq Gulavthi

---

---

DhunDh to but bhi yahin mil jaenge mard-e-KHuda
hum ne dekha hai haram hi mein kahin but-KHana tha

Natiq Gulavthi

---

---

DhunDhti hai iztirab-e-shauq ki duniya mujhe
aap ne mahfil se uThwa kar kahan rakkha mujhe

Natiq Gulavthi

---

---

dhum kar rakkhi thi kal rindon ne bazm-e-waz mein
pagDi ghaeb thi janab-e-shaiKH ki gul tha charagh

Natiq Gulavthi

---

---

dosti kis ki rahi yaad wo kis par bhula
dusra bich mein kaun aa ke mara mere baad

Natiq Gulavthi

---

---