ye soch kar bhi hans na sake hum shikasta-dil
yaran-e-gham-gusar ka dil TuT jaega

Naresh Kumar Shad

---

---

zindagi se to KHair shikwa tha
muddaton maut ne bhi tarsaya

Naresh Kumar Shad

---

---

suna hai phul jhaDe the jahan tere lab se
wahan bahaar utarti hai roz sham ke sath

Narjis Afroz Zaidi

---

---

tere KHayal se raushan hai sar-zamin-e-suKHan
ki jaise zinat-e-shab ho mah-e-tamam ke sath

Narjis Afroz Zaidi

---

---

main ruk gaya chaDhi hui naddi ke samne
kuchh waqt mere pas tha barsat ke liye

Naseem Abbasi

---

---

main ne dekhi hai amir-e-shahr ki wo muflisi
daulat-e-duniya thi lekin gham ka sarmaya na tha

Naseem Ansari

---

---

main raushni pe zindagi ka nam likh ke aa gaya
use miTa miTa ke ye siyah raat thak gai

Naseem Ansari

---

---