zahido puja tumhaari KHub hogi hashr mein
but bana degi tumhein ye haq-parasti ek din

Muneer Shikohabadi

---

---

zinda-e-jawed hain mara jinhen us shoKH ne
bar-taraf jo ho gae un ki bahaali ho gai

Muneer Shikohabadi

---

---

aankh apni teri abru pe jami rahti hai
roz is bait pe hum sad kiya karte hain

Munshi Debi Parshad Sahar Badayuni

---

---

chaar bose to diya kijiye tanKHwah mujhe
ek bose pe mera KHak guzara hoga

Munshi Debi Parshad Sahar Badayuni

---

---

har ek fiqre pe hai jhiDki to hai har baat par gali
tum aise KHub-surat ho ke itne bad-zaban kyun ho

Munshi Debi Parshad Sahar Badayuni

---

---

hidayat shaiKH karte the bahut bahr-e-namaz akasr
jo paDhna bhi paDi to hum ne Tali be-wazu barson

Munshi Debi Parshad Sahar Badayuni

---

---

hujum-e-ranj-o-gham-o-dard hai marun kyunkar
qadam uThaun jo aage kushada rah mile

Munshi Debi Parshad Sahar Badayuni

---

---