jo tere gunah baKHshega waiz wo mere bhi
kya tera KHuda aur hai bande ka KHuda au

Munshi Debi Parshad Sahar Badayuni

---

---

kafir ho phir jo shara ka kuchh bhi kare KHayal
jab jam bhar ke hath se yar apne de shara

Munshi Debi Parshad Sahar Badayuni

---

---

malak-ul-maut moazzin hai mera wasl ki raat
dam nikal jata hai jab waqt-e-azan aata hai

Munshi Debi Parshad Sahar Badayuni

---

---

na laDao nazar raqibon se
kaam achchha nahin laDai ka

Munshi Debi Parshad Sahar Badayuni

---

---

qashqa nahin peshani pe us mah-jabin ke
allah ne ye husn ke KHirman ko hai chanka

Munshi Debi Parshad Sahar Badayuni

---

---

shayad mizaj hum se mukaddar hai yar ka
likkha hai us ne hum ko ba-KHatt-e-ghubar KHat

Munshi Debi Parshad Sahar Badayuni

---

---

adab baKHsha hai aisa rabt-e-alfaz-e-munasib ne
do-zanu hai meri tab-e-rasa tarkib-e-urdu se

Munshi Khairati Laal Shagufta

---

---