sadme se baal shisha-e-gardun mein paD gaya
tum ne dikhai koThe par apni kamar kise

Muneer Shikohabadi

---

---

saKHti-e-dahr hue bahr-e-suKHan mein aasan
qafiye aae jo patthar ke main pani samjha

Muneer Shikohabadi

---

---

sarson jo phuli dida-e-jam-e-sharab mein
bint-ul-anab se karne laga shoKHiyan basant

Muneer Shikohabadi

---

---

shabnam ki hai angiya tale angiya ki pasina
kya lutf hai shabnam tah-e-shabnam nazar aai

Muneer Shikohabadi

---

---

sharm kab tak ai pari la hath kar iqrar-e-wasl
apne dil ko saKHt kar ke rishta-e-inkar toD

Muneer Shikohabadi

---

---

shukr hai jama se bahar wo hua ghusse mein
jo ki parde mein bhi uryan na hua tha so hua

Muneer Shikohabadi

---

---

silsila gabru musalman ki adawat ka miTa
ai pari be-parda ho kar subha-e-zunnar toD

Muneer Shikohabadi

---

---