ehsan nahin KHwab mein aae jo mere pas
chori ki mulaqat mulaqat nahin hai

Muneer Shikohabadi

---

---

farz hai dariya-dilon par KHaksaron ki madad
farsh sahra ke liye lazim hua sailab ka

Muneer Shikohabadi

---

---

galiyan zaKHm-e-kuhan ko dekh kar deti ho kyun
basi khane mein milate ho taam-e-taza aaj

Muneer Shikohabadi

---

---

garmi mein tere kucha-nashinon ke waste
pankhe hain qudsiyon ke paron ke bahisht mein

Muneer Shikohabadi

---

---

garmi-e-husn ki midhat ka sila lete hain
mishalen aap ke sae se jala lete hain

Muneer Shikohabadi

---

---

hath milwate ho tarsae gilauri ke liye
kaf-e-afsos na mal jae kahin panw mein

Muneer Shikohabadi

---

---

hamesha mai-kade mein KHush-qadon ka majma hai
hazaron sarw lage hain kanar-e-ju-e-shara

Muneer Shikohabadi

---

---