dam bhar rahe habab-e-namat kaenat mein
is zindagi mein nam nahin mah-o-sal ka

Muneer Shikohabadi

---

---

das bis har mahine mein abru nazar paDe
is sal sare chand hue tis tis ke

Muneer Shikohabadi

---

---

dasht-e-wahshat mein nahin milta hai saya kanpta
main hun saudai mera ham-zad saudai nahin

Muneer Shikohabadi

---

---

daulat ke dant kund kiye mere hirs ne
khaTTa tamam sharbat-e-dinar kar diya

Muneer Shikohabadi

---

---

dekha hai aashiqon ne barahman ki aankh se
har but KHuda hai chahne walon ke samne

Muneer Shikohabadi

---

---

didar ka maza nahin baal apne bandh lo
kuchh mujh ko sujhta nahin andhiyari raat hai

Muneer Shikohabadi

---

---

dil le ke palken phir gain zulfon ki aaD mein
ulTe phiri ye fauj sar-e-sham lauT ke

Muneer Shikohabadi

---

---