jab baDh gai umr ghaT gai zist
jo had se ziyaada ho wo kam hai

Muneer Shikohabadi

---

---

jab kabhi maski kaTori kya sada paida hui
karti hai angiya ki chiDiya chahchahane ki hawas

Muneer Shikohabadi

---

---

jhuTi baaten mujhe yaad aain jo us ki shab-e-hijr
subh-e-kazib ko main peshani-e-qatil samjha

Muneer Shikohabadi

---

---

jhuTi baaton ki tajalli nazar aae aise
subh-e-kazib ki safedi phire dalanon mein

Muneer Shikohabadi

---

---

jis roz main ginta hun tere aane ki ghaDiyan
suraj ko bana deti hai sone ki ghaDi baat

Muneer Shikohabadi

---

---

kabe se mujh ko lai sawad-e-kunisht mein
islah di buton ne KHat-e-sar-nawisht mein

Muneer Shikohabadi

---

---

kab pan raqibon ko inayat nahin hote
kis roz mere qatl ka beDa nahin uThta

Muneer Shikohabadi

---

---