ho gaya hun main naqab-e-ru-e-raushan par faqir
chahiye tah-band mujh ko chadar-e-mahtab ka

Muneer Shikohabadi

---

---

ho gaya mamur aalam jab kiya darbar-e-am
taKHliya chaha to duniya saf KHali ho gai

Muneer Shikohabadi

---

---

huzur-e-duKHtar-e-raz hath panw kanpte hain
tamam maston ko rasha hai ru-ba-ru-e-shara

Muneer Shikohabadi

---

---

in rozon lutf-e-husn hai aao to baat hai
do din ki chandni hai phir andhiyari raat hai

Muneer Shikohabadi

---

---

jaan deta hun magar aati nahin
maut ko bhi naz-e-mashuqana hai

Muneer Shikohabadi

---

---

jaan kar us but ka ghar kaba ko sajda kar liya
ai barahman mujh ko baitullah ne dhoka diya

Muneer Shikohabadi

---

---

jati hai dur baat nikal kar zaban se
phirta nahin wo tir jo nikla kaman se

Muneer Shikohabadi

---

---