sahra pe bura waqt mere yar paDa hai
diwana kai roz se bimar paDa hai

Munawwar Rana

---

---

shahr ke raste hon chahe ganw ki pagDanDiyan
man ki ungli tham kar chalna bahut achchha laga

Munawwar Rana

---

---

so jate hain footpath pe aKHbar bichha kar
mazdur kabhi nind ki goli nahin khate

Munawwar Rana

---

---

tamam jism ko aankhen bana ke rah tako
tamam khel mohabbat mein intizar ka hai

Munawwar Rana

---

---

tere daman mein sitare hain to honge ai falak
mujh ko apni man ki maili oDhni achchhi lagi

Munawwar Rana

---

---

tujhe malum hai in phephaDon mein zaKHm aae hain
teri yaadon ki ek nannhi si chingari bachane mein

Munawwar Rana

---

---

tum ne jab shahr ko jangal mein badal Dala hai
phir to ab qais ko jangal se nikal aane do

Munawwar Rana

---

---