main duniya ke mear pe pura nahin utra
duniya mere mear pe puri nahin utri

Munawwar Rana

---

---

main isi miTTi se uTTha tha bagule ki tarah
aur phir ek din isi miTTi mein miTTi mil gai

Munawwar Rana

---

---

main ne kal shab chahaton ki sab kitaben phaD den
sirf ek kaghaz pe likkha lafz-e-man rahne diya

Munawwar Rana

---

---

main rah-e-ishq ke har pech-o-KHam se waqif hun
ye rasta mere ghar se nikal ke jata hai

Munawwar Rana

---

---

mere bachchon mein sari aadaten maujud hain meri
to phir in bad-nasibon ko na kyun urdu zaban aai

Munawwar Rana

---

---

meri hatheli pe honTon se aisi mohr laga
ki umr bhar ke liye main bhi surKH-ru ho jaun

Munawwar Rana

---

---

miTTi ka badan kar diya miTTi ke hawale
miTTi ko kahin taj-mahal mein nahin rakkha

Munawwar Rana

---

---