kisi din meri ruswai ka ye karan na ban jae
tumhaara shahr se jaana mera bimar ho jaana

Munawwar Rana

---

---

kisi ke zaKHm par chahat se paTTi kaun bandhega
agar bahnen nahin hongi to rakhi kaun bandhega

Munawwar Rana

---

---

kisi ki yaad aati hai to ye bhi yaad aata hai
kahin chalne ki zid karna mera tayyar ho jaana

Munawwar Rana

---

---

kisi ko ghar mila hisse mein ya koi dukan aai
main ghar mein sab se chhoTa tha mere hisse mein man aai

Munawwar Rana

---

---

kuchh bikhri hui yaadon ke qisse bhi bahut the
kuchh us ne bhi baalon ko khula chhoD diya tha

Munawwar Rana

---

---

lipaT jata hun man se aur mausi muskuraati hai
main urdu mein ghazal kahta hun hindi muskuraati hai

Munawwar Rana

---

---

man KHwab mein aa kar ye bata jati hai har roz
bosida si oDhi hui is shaal mein hum hain

Munawwar Rana

---

---