tumhaara nam aaya aur hum takne lage rasta
tumhaari yaad aai aur khiDki khol di hum ne

Munawwar Rana

---

---

tumhaare shahr mein mayyat ko sab kandha nahin dete
hamare ganw mein chhappar bhi sab mil kar uThate hain

Munawwar Rana

---

---

tumhaari aankhon ki tauhin hai zara socho
tumhaara chahne wala sharab pita hai

Munawwar Rana

---

---

tumhein bhi nind si aane lagi hai thak gae hum bhi
chalo hum aaj ye qissa adhura chhoD dete hain

Munawwar Rana

---

---

wusat-e-sahra bhi munh apna chhupa kar nikli
sari duniya mere kamre ke barabar nikli

Munawwar Rana

---

---

ye aisa qarz hai jo main ada kar hi nahin sakta
mein jab tak ghar na lauTun meri man sajde mein rahti hai

Munawwar Rana

---

---

ye soch kar ki tera intizar lazim hai
tamam umr ghaDi ki taraf nahin dekha

Munawwar Rana

---

---