udhar chuTki wo dil mein le rahe hain
idhar ek gudgudi si ho rahi hai

Mubarak Azimabadi

---

---

us gali mein hazar gham TuTa
aana jaana magar nahin chhuTa

Mubarak Azimabadi

---

---

ye gham-kada hai is mein 'mubarak' KHushi kahan
gham ko KHushi bana koi pahlu nikal ke

Mubarak Azimabadi

---

---

ye ghaTa aisi ghaTa itni ghaTa
mai halal aise mein hai mai-KHwar ko

Mubarak Azimabadi

---

---

ye tasarruf hai 'mubarak' dagh ka
kya se kya urdu zaban hoti gai

Mubarak Azimabadi

---

---

main apne aap laDunga samundaron se jang
ab e'timad mujhe apne naKHuda pe nahin

Mubeen Mirza

---

---

'azurda' mar ke kucha-e-jaanan mein rah gaya
di thi dua kisi ne ki jannat mein ghar mile

Mufti Sadruddin Aazurda

---

---