agar hon goya to phir be-takan bolte hain
magar ye log lahu ki zaban bolte hain

Ahmad Husain Mujahid

---

---

ek nai manzil ki dhun mein dafatan sarka liya
us ne apna panw mere panw par rakkha hua

Ahmad Husain Mujahid

---

---

ek taraf kuchh honT mohabbat ki raushan aayat paDhen
ek saf mein hathiyar sajae sare jang-parast rahen

Ahmad Jahangeer

---

---

ajab safar tha ajab-tar musafirat meri
zamin shuru hui aur main tamam hua

Ahmad Javed

---

---

dil se bahar aaj tak hum ne qadam rakkha nahin
dekhne mein zahira lagte hain sailani se hum

Ahmad Javed

---

---

dil-e-betab ke hamrah safar mein rahna
hum ne dekha hi nahin chain se ghar mein rahna

Ahmad Javed

---

---

duniya mere paDos mein aabaad hai magar
meri dua-salam nahin us zalil se

Ahmad Javed

---

---