kuchh na puchho zahidon ke baatin o zahir ka haal
hai andhera ghar mein aur bahar dhuan batti charagh

Ahmad Husain Mail

---

---

kya aai thin huren tere ghar raat ko mehman
kal KHwab mein ujDa hua firdaus-e-barin tha

Ahmad Husain Mail

---

---

main hi momin main hi kafir main hi kaba main hi dair
KHud ko main sajde karunga dil mein tum ho dil mein tum

Ahmad Husain Mail

---

---

mera salam ishq alaihis-salam ko
KHusraw udhar KHarab idhar kohkan KHara

Ahmad Husain Mail

---

---

miTi kuchh bani kuchh wo thi kuchh hui kuchh
zaban tak meri dastan aate aate

Ahmad Husain Mail

---

---

mohabbat ne 'mail' kiya har kisi ko
kisi par kisi ko kisi par kisi ko

Ahmad Husain Mail

---

---

mujh se bigaD gae to raqibon ki ban gai
ghairon mein baT raha hai mera e'tibar aaj

Ahmad Husain Mail

---

---