tulu-e-saat-e-shab-KHun hai aur mera dil
kisi sitara-e-bad ki nigah mein aaya

Ahmad Javed

---

---

us ki aankhon ke wasf kya likkhun
jaise KHwabon ka be-karan Thahrao

Ahmad Javed

---

---

yahi dil jo ek bund hai bahr-e-gham ki
Dubo dega sab shahr tufan kar ke

Ahmad Javed

---

---

ye ek lamhe ki duri bahut hai mere liye
tamam umr tera intizar karne ko

Ahmad Javed

---

---

ye kya chiz tamir karne chale ho
bina-e-mohabbat ko viran kar ke

Ahmad Javed

---

---

aag to chaaron hi jaanib thi par achchha ye hai
hosh-mandi se kisi chiz ko jalne na diya

Ahmad Kamal Parwazi

---

---

agar kaT-phaT gaya tha mera daman
tumhein sina pirona chahiye tha

Ahmad Kamal Parwazi

---

---