kahan milegi misal meri sitamgari ki
ki main gulabon ke zaKHm kanTon se si raha hun

Mohsin Naqvi

---

---

kal thake-haare parindon ne nasihat ki mujhe
sham Dhal jae to 'mohsin' tum bhi ghar jaya karo

Mohsin Naqvi

---

---

kitne lahjon ke ghilafon mein chhupaun tujh ko
shahr wale mera mauzu-e-suKHan jaante hain

Mohsin Naqvi

---

---

kyun tere dard ko den tohmat-e-virani-e-dil
zalzalon mein to bhare shahr ujaD jate hain

Mohsin Naqvi

---

---

logo bhala is shahr mein kaise jiyenge hum jahan
ho jurm tanha sochna lekin saza aawargi

Mohsin Naqvi

---

---

mausam-e-zard mein ek dil ko bachaun kaise
aisi rut mein to ghane peD bhi jhaD jate hain

Mohsin Naqvi

---

---

palaT ke aa gai KHeme ki samt pyas meri
phaTe hue the sabhi baadalon ke mashkize

Mohsin Naqvi

---

---