main munaqqash hun teri ruh ki diwaron par
tu miTa sakta nahin bhulne wale mujh ko

Mohsin Ehsan

---

---

subh se sham hui ruTha hua baiTha hun
koi aisa nahin aa kar jo mana le mujh ko

Mohsin Ehsan

---

---

tanha khaDa hun main bhi sar-e-karbala-e-asr
aur sochta hun mere taraf-dar kya hue

Mohsin Ehsan

---

---

ab ke barish mein to ye kar-e-ziyan hona hi tha
apni kachchi bastiyon ko be-nishan hona hi tha

Mohsin Naqvi

---

---

ab tak meri yaadon se miTae nahin miTta
bhigi hui ek sham ka manzar teri aankhen

Mohsin Naqvi

---

---

azal se qaem hain donon apni zidon pe 'mohsin'
chalega pani magar kinara nahin chalega

Mohsin Naqvi

---

---

chunti hain mere ashk ruton ki bhikaranen
'mohsin' luTa raha hun sar-e-am chandni

Mohsin Naqvi

---

---