sada-e-waqt ki gar baz-gasht san pao
mere KHayal ko tum shairana kah dena

Mohsin Bhopali

---

---

suraj chaDha to phir bhi wahi log zad mein the
shab bhar jo intizar-e-sahar dekhte rahe

Mohsin Bhopali

---

---

us ko chaha tha kabhi KHud ki tarah
aaj KHud apne talabgar hain hum

Mohsin Bhopali

---

---

us se mil kar usi ko puchhte hain
be-KHayali si be-KHayali hai

Mohsin Bhopali

---

---

zindagi gul hai naghma hai mahtab hai
zindagi ko faqat imtihan mat samajh

Mohsin Bhopali

---

---

ab duaon ke liye uThte nahin hain hath bhi
be-yaqini ka to aalam tha magar aisa na tha

Mohsin Ehsan

---

---

main KHarch kar-e-zamana mein ho chuka itna
ki aaKHirat ke liye pas kuchh bacha hi nahin

Mohsin Ehsan

---

---