dasht-e-hasti mein shab-e-gham ki sahar karne ko
hijr walon ne liya raKHt-e-safar sannaTa

Mohsin Naqvi

---

---

gahri KHamosh jhil ke pani ko yun na chheD
chhinTe uDe to teri qaba par bhi aaenge

Mohsin Naqvi

---

---

hum apni dharti se apni har samt KHud talashen
hamari KHatir koi sitara nahin chalega

Mohsin Naqvi

---

---

har waqt ka hansna tujhe barbaad na kar de
tanhai ke lamhon mein kabhi ro bhi liya ka

Mohsin Naqvi

---

---

jab se us ne shahr ko chhoDa har rasta sunsan hua
apna kya hai sare shahr ka ek jaisa nuqsan hua

Mohsin Naqvi

---

---

jin ashkon ki phiki lau ko hum bekar samajhte the
un ashkon se kitna raushan ek tarik makan hua

Mohsin Naqvi

---

---

jo de saka na pahaDon ko barf ki chadar
wo meri banjh zamin ko kapas kya dega

Mohsin Naqvi

---

---