is liye sunta hun 'mohsin' har fasana ghaur se
ek haqiqat ke bhi ban jate hain afsane bahut

Mohsin Bhopali

---

---

jaane wale sab aa chuke 'mohsin'
aane wala abhi nahin aaya

Mohsin Bhopali

---

---

jo mile the hamein kitabon mein
jaane wo kis nagar mein rahte hain

Mohsin Bhopali

---

---

KHanda-e-lab mein nihan zaKHm-e-hunar dekhega kaun
bazm mein hain sab ke sab ahl-e-nazar dekhega kaun

Mohsin Bhopali

---

---

kis qadar nadim hua hun main bura kah kar use
kya KHabar thi jate jate wo dua de jaega

Mohsin Bhopali

---

---

koi surat nahin KHarabi ki
kis KHarabe mein bas raha hai jism

Mohsin Bhopali

---

---

kya KHabar thi hamein ye zaKHm bhi khana hoga
tu nahin hoga teri bazm mein aana hoga

Mohsin Bhopali

---

---