ajib shaKHs tha lauTa gaya mera sab kuchh
muawza na liya dekh-bhaal karne ka

Mohsin Asrar

---

---

ahut achchha teri qurbat mein guzra aaj ka din
bas ab ghar jaenge aur kal ki tayyari karenge

Mohsin Asrar

---

---

ahut kuchh tum se kahna tha magar main kah na paya
lo meri Diary rakh lo mujhe nind aa rahi hai

Mohsin Asrar

---

---

Dar hai kahin main dasht ki jaanib nikal na jaun
baiTha hun apne panw mein zanjir Dal ka

Mohsin Asrar

---

---

ghar mein rahna mera goya use manzur nahin
jab bhi aata hai naya kaam bata jata hai

Mohsin Asrar

---

---

hum apne zahir o baatin ka andaza laga len
phir us ke samne jaane ki tayyari karenge

Mohsin Asrar

---

---

ham-sae ka sukh to us ke KHwab ka pura hona hai
tum par riqqat tari ho to ro lo lekin shor na ho

Mohsin Asrar

---

---