na kaba hi tajalli-gah Thahraya na but-KHana
laDana KHub aata hai tumhein shaiKH o barahman ko

Mirza Mayal Dehlvi

---

---

talKHi tumhaare waz mein hai waizo magar
dekho to kis maze ki hai talKHi sharab mein

Mirza Mayal Dehlvi

---

---

tauba ke TuTte ka hai 'mail' malal kyun
aisi to hoti rahti hai akasr shabab mein

Mirza Mayal Dehlvi

---

---

tumhein samjhaen to kya hum ki shaiKH-e-waqt ho mail
tum apne aap ko dekho aur ek tifl-e-barhaman ko

Mirza Mayal Dehlvi

---

---

aashna koi nazar aata nahin yan ai 'hawas'
kis ko main apna anis-e-kunj-e-tanhai karun

Mirza Mohammad Taqi Hawas

---

---

ai aaftab hadi-e-ku-e-nigar ho
aae bhala kabhi to hamare bhi kaam din

Mirza Mohammad Taqi Hawas

---

---

dekhen kya ab ke asiri hamein dikhlati hai
log kahte hain ki phir fasl-e-bahaar aati hai

Mirza Mohammad Taqi Hawas

---

---