musafirana raha is sara-e-hasti mein
chala phira main zamane mein rahguzar ki tarah

Mirza Maseeta Beg Muntahi

---

---

na band kar ise fasl-e-bahaar mein saqi
na Dal duKHtar-e-raz ka achaar shishe mein

Mirza Maseeta Beg Muntahi

---

---

phaD hi Dalunga main ek din naqab-e-ru-e-yar
phenk dunga khod kar gulzar ki diwar ko

Mirza Maseeta Beg Muntahi

---

---

piri hui shabab se utra jhaTak gaya
shaer hun mera misra-e-sani laTak gaya

Mirza Maseeta Beg Muntahi

---

---

sada-e-qulqul-e-mina mujhe nahin aati
mere sawal ka shishe mein kuchh jawab nahin

Mirza Maseeta Beg Muntahi

---

---

sikhla raha hun dil ko mohabbat ke rang-Dhang
karta hun main makan ki tamir aaj-kal

Mirza Maseeta Beg Muntahi

---

---

tarik-e-duniya hai jab se 'muntahi'
misl-e-bewa madar-e-ayyam hai

Mirza Maseeta Beg Muntahi

---

---