na paya waqt ai zahid koi main ne ibaadat ka
shab-e-hijran hui aaKHir to subh-e-intizar aai

Mirza Mohammad Taqi Hawas

---

---

ang-e-gul-e-shagufta hun aab-e-ruKH-e-chaman hun main
sham-e-haram charagh-e-dair qashqa-e-barhaman hun main

Mirza Mohammad Taqi Hawas

---

---

sab ham-safir chhoD ke tanha chale gae
kunj-e-qafas mein mujh ko giraftar dekh ka

Mirza Mohammad Taqi Hawas

---

---

sad-chaak kiya pairhan-e-gul ko saba ne
jab wo na teri KHubi-e-poshak ko pahuncha

Mirza Mohammad Taqi Hawas

---

---

sahra mein 'hawas' KHar-e-mughilan ki madad se
bare mera KHun har KHas-o-KHashak ko pahuncha

Mirza Mohammad Taqi Hawas

---

---

sunta hun na kanon se na kuchh munh se hun bakta
KHali hai jagah mahfil-e-taswir mein meri

Mirza Mohammad Taqi Hawas

---

---

talash is tarah bazm-e-aish mein hai be-nishanon ki
koi kapDe mein jaise zaKHm-e-sozan ka nishan DhunDhe

Mirza Mohammad Taqi Hawas

---

---