kyun in dinon 'hasan' tu itna jhaTak gaya hai
zalim kahin tera dil kya phir aTak gaya hai

Meer Hasan

---

---

lagaya mohabbat ka jab yan shajar
shajar lag gaya aur samar jal gaya

Meer Hasan

---

---

manind-e-aks dekha use aur na mil sake
kis ru se phir kahenge ki roz-e-visal tha

Meer Hasan

---

---

main bhi ek mani-e-pechida ajab tha ki 'hasan'
guftugu meri na pahunchi kabhi taqrir talak

Meer Hasan

---

---

main hashr ko kya roun ki uTh jate hi tere
barpa hui ek mujh pe qayamat to yahin au

Meer Hasan

---

---

main ne jo kaha mujh pe kya kya na sitam guzra
bola ki abe tera rote hi janam guzra

Meer Hasan

---

---

main ne paya na ise shahr mein na sahra mein
tu ne le ja ke mere dil ko kahan chhoD diya

Meer Hasan

---

---