chhiDi hai aaj mujh se aasman se
zara haT jaiyega darmiyan se
Manzar Lakhnavi
chune the phul muqaddar se ban gae kanTe
bahaar hae hamare liye bahaar nahin
Manzar Lakhnavi
daman-o-jeb-o-gareban ka nahin koi malal
gham ye hai dast-e-junun kal ke liye kaam nahin
Manzar Lakhnavi
dard ho dil mein to dawa kije
aur jo dil hi na ho to kya kije
Manzar Lakhnavi
do ghaDi dil ke bahalne ka sahaara bhi gaya
lijiye aaj tasawwur mein bhi tanhai hai
Manzar Lakhnavi
do ghaDi dil ke bahlane ka sahaara bhi gaya
lijiye aaj tasawwur mein bhi tanhai hai
Manzar Lakhnavi
duniya ko din din ko duniya karenge hum
tere banenge hum tujhe apna karenge hum
Manzar Lakhnavi

