hain sau tariqe aur bhi ai be-qarar dil
izhaar-e-shikwa shikwe ke andaz mein na ho

Manzar Lakhnavi

---

---

hui diwangi is darja mashhur-e-jahan meri
jahan do aadmi bhi hain chhiDi hai dastan meri

Manzar Lakhnavi

---

---

ek zamana ho raha hai ishq mein hum se KHilaf
kis ke kis ke dil mein dil Dalen ilahi kya karen

Manzar Lakhnavi

---

---

in se jab puchha gaya bismil tumhaare kya karen
hans ke bole zaKHm-e-dil dekha karen roya karen

Manzar Lakhnavi

---

---

jaane wale ja KHuda hafiz magar ye soch le
kuchh se kuchh ho jaegi diwangi tere baghai

Manzar Lakhnavi

---

---

jagmagati teri aankhon ki qasam furqat mein
baDe dukh deti hai ye taron bhari raat mujhe

Manzar Lakhnavi

---

---

jama hum karte gae chun chun ke tinke bagh mein
aur na jaane kis ka kis ka aashiyan banta gaya

Manzar Lakhnavi

---

---