shamim-e-pairahan-e-yar kya nisar karen
tujhi ko dil se laga len tujhi ko pyar karen

Makhdoom Mohiuddin

---

---

tumhaare jism ka suraj jahan jahan TuTa
wahin wahin meri zanjir-e-jaan bhi TuTi hai

Makhdoom Mohiuddin

---

---

wasl hai un ki ada hijr hai un ka andaz
kaun sa rang bharun ishq ke afsanon mein

Makhdoom Mohiuddin

---

---

ye tamanna hai ki uDti hui manzil ka ghubar
subh ke parde mein yaad aa gai sham aahista

Makhdoom Mohiuddin

---

---

chaman tum se ibarat hai bahaaren tum se zinda hain
tumhaare samne phulon se murjhaya nahin jata

Makhmoor Dehlvi

---

---

har ek dagh-e-tamanna ko kaleje se lagata hun
ki ghar aai hui daulat ko Thukraya nahin jata

Makhmoor Dehlvi

---

---

jinhen ab gardish-e-aflak paida kar nahin sakti
kuchh aisi hastiyan bhi dafn hain gor-e-ghariban mein

Makhmoor Dehlvi

---

---