uton ko pujne walon ko kyun ilzam dete ho
Daro us se ki jis ne un ko is qabil banaya hai

Makhmoor Saeedi

---

---

dil pe ek gham ki ghaTa chhai hui thi kab se
aaj un se jo mile TuT ke barsat hui

Makhmoor Saeedi

---

---

Dubne walon par kase duniya ne aawaze
sahil se karti rahi tufan ke andaze

Makhmoor Saeedi

---

---

gham o nashat ki har rahguzar mein tanha hun
mujhe KHabar hai main apne safar mein tanha hun

Makhmoor Saeedi

---

---

ghar mein raha tha kaun ki ruKHsat kare hamein
chaukhaT ko alwidaa kaha aur chal paDe

Makhmoor Saeedi

---

---

ho jae jahan sham wahin un ka basera
aawara parindon ke Thikane nahin hote

Makhmoor Saeedi

---

---

jaanib-e-kucha-o-bazar na dekha jae
ghaur se shahr ka kirdar na dekha jae

Makhmoor Saeedi

---

---