ek jhonka tere pahlu ka mahakti hui yaad
ek lamha teri dildari ka kya kya na bana

Makhdoom Mohiuddin

---

---

ek tha shaKHs zamana tha ki diwana bana
ek afsana tha afsane se afsana bana

Makhdoom Mohiuddin

---

---

hum ne hans hans ke teri bazm mein ai paikar-e-naz
kitni aahon ko chhupaya hai tujhe kya malum

Makhdoom Mohiuddin

---

---

hayat le ke chalo kaenat le ke chalo
chalo to sare zamane ko sath le ke chalo

Makhdoom Mohiuddin

---

---

hijr mein milne shab-e-mah ke gham aae hain
chaarasazon ko bhi bulwao ki kuchh raat kaTe

Makhdoom Mohiuddin

---

---

hujum-e-baada-o-gul mein hujum-e-yaran mein
kisi nigah ne jhuk kar mere salam liye

Makhdoom Mohiuddin

---

---

is shahr mein ek aahu-e-KHush-chashm se hum ko
kam kam hi sahi nisbat-e-paimana rahi hai

Makhdoom Mohiuddin

---

---