lab pe ek nam hamesha ki tarah
aur kya kaam hamesha ki tarah

Mahshar Inayati

---

---

main diwana sahi lekin wo KHush-qismat hun ai 'mahshar'
ki duniya ki zaban par aa gaya hai aaj nam apna

Mahshar Inayati

---

---

na baaten kare hai na dekha kare hai
magar mere bare mein socha kare hai

Mahshar Inayati

---

---

na ghair hi mujhe samjho na dost hi samjho
mere liye ye bahut hai ki aadmi samjho

Mahshar Inayati

---

---

qasam jab us ne khai hum ne e'tibar kar liya
zara si der zindagi ko KHush-gawar kar liya

Mahshar Inayati

---

---

sunte the 'mahshar' kabhi patthar bhi ho jata hai mom
aaj wo aae to palkon ko bhigona paD gaya

Mahshar Inayati

---

---

un ka gham un ka tasawwur un ki yaad
kaT rahi hai zindagi aaram se

Mahshar Inayati

---

---