aghyar ka shikwa nahin is ahd-e-hawas mein
ek umr ke yaron ne bhi dil toD diya hai

Mahesh Chandra Naqsh

---

---

ai 'naqsh' kar raha tha jinhen gharq naKHuda
tufan ke zor se wo safine ubhar gae

Mahesh Chandra Naqsh

---

---

ahut dushwar thi rah-e-mohabbat
hamara sath dete ham-safar kya

Mahesh Chandra Naqsh

---

---

duniya se haT ke ek nai duniya bana saken
kuchh ahl-e-arzu isi hasrat mein mar gae

Mahesh Chandra Naqsh

---

---

Dubne wale mauj-e-tufan se
jaane kya baat karte jate hain

Mahesh Chandra Naqsh

---

---

haal kah dete hain nazuk se ishaare akasr
kitni KHamosh nigahon ki zaban hoti hai

Mahesh Chandra Naqsh

---

---

is Dubte suraj se to ummid hi kya thi
hans hans ke sitaron ne bhi dil toD diya hai

Mahesh Chandra Naqsh

---

---