kaun samjhe hum pe kya guzri hai 'naqsh'
dil laraz uThta hai zikr-e-sham se
Mahesh Chandra Naqsh
KHud-shanasi thi justuju teri
tujh ko DhunDa to aap ko paya
Mahesh Chandra Naqsh
kis tarah karen tujh se gila tere sitam ka
madhosh ishaaron ne bhi dil toD diya hai
Mahesh Chandra Naqsh
meri KHamoshiyon ke aalam mein
gunj uThti hai aap ki aawaz
Mahesh Chandra Naqsh
meri nakaamiyon par hansne wale
tere pahlu mein shayad dil nahin hai
Mahesh Chandra Naqsh
mohabbat ka un ko yaqin aa chala hai
haqiqat bane ja rahe hain fasane
Mahesh Chandra Naqsh
phir kisi ki bazm ka aaya KHayal
phir dhuan uTTha dil-e-nakaam se
Mahesh Chandra Naqsh

